(१) सेवाप्रदायकले क्षमता भन्दा बढी माग भएको वा वैकल्पिक स्रोतको अभावका कारण मांग बमोजिमको परिमाणमा खानेपानी सेवा प्रवाह गर्न नसक्ने भएमा नियम ३३ बमोजिम निर्धारित प्राथमिकताक्रमको आधारमा खानेपानी सेवाको परिमाण र समयावधि तोक्न सक्नेछ।

(२) उपनियम (१) बमोजिम खानेपानी सेवाको परिमाण र समयावधि निर्धारण _ गर्दा सेवाप्रदायकले सोको सूचना उपभोक्तालाई कम्तीमा पन्ध्र दिन अगावै दिनु पर्नेछ।

(३) उपनियम (१) बमोजिम खानेपानी सेवाको परिमाण र समयावधि, निर्धारण गरेको जानकारी सम्बन्धित निकायलाई दिनुपर्नेछ ।